فورٹینیٹ سکیورٹی ڈے 2026: ڈیجیٹل معیشت کی مضبوطی کے لیے سائبر خطرات سے نمٹنا ناگزیر ہے
اردو ٹوڈے، کراچی
فورٹینیٹ سیکیورٹی کمپنی نے کراچی کے مقامی ہوٹل میں "فورٹینیٹ سیکیورٹی ڈے پاکستان 2026” کا انعقاد کیا، جس میں سرکاری و نجی شعبے کے سینئر ٹیکنالوجی رہنماؤں، چیف انفارمیشن سیکیورٹی افسران (CISOs) اور حکومتی حکام نے بڑی تعداد میں شرکت کی۔
ڈیجیٹل معیشت اور سائبر سکیورٹی
تقریب سے خطاب کرتے ہوئے مقررین کا کہنا تھا کہ حکومت ڈیجیٹل معیشت کو مستحکم کرنے کے ساتھ ساتھ سائبر سیکیورٹی کو بھی خصوصی اہمیت دے رہی ہے۔ موجودہ دور میں سائبر خطرات زیادہ تیز، خودکار اور نشانہ بند (Targeted) ہو چکے ہیں، اس لیے تمام اداروں کے لیے اپنی سیکیورٹی حکمت عملیوں کو جدید تقاضوں کے مطابق اپ ڈیٹ کرنا انتہائی ضروری ہو چکا ہے۔
تقریب کے اہم سیشنز اور ملاقاتیں
سیکیورٹی ڈے کے ایجنڈے میں درج ذیل اہم موضوعات پر سیشنز شامل تھے:
- آرٹیفیشل انٹیلیجنس (AI) پر مبنی سیکیورٹی
- تھریٹ انٹیلیجنس (Threat Intelligence)
- نیکسٹ جنریشن سیکیورٹی آپریشنز (Next-Gen Security Operations)
تقریب کے دوران فورٹینیٹ کی قیادت نے نیشنل سائبر ایمرجنسی ریسپانس ٹیم (PKCERT) کے ڈائریکٹر جنرل ڈاکٹر حیدر عباس سے خصوصی ملاقات بھی کی، جس میں باہمی تعاون پر گفتگو کی گئی۔
فورٹینیٹ کا عزم
فورٹینیٹ پاکستان کے کنٹری ڈائریکٹر ثاقب اشفاق نے شرکاء سے گفتگو کرتے ہوئے کہا:
"سیکیورٹی ڈے کا مقصد پریکٹیشنرز، پالیسی سازوں اور پارٹنرز کو ایک جگہ جمع کر کے یہ سمجھنا ہے کہ عملی طور پر کیا مؤثر ہے اور کہاں خلا موجود ہیں۔ ہم پاکستان کی سائبر سیکیورٹی کمیونٹی کے ساتھ طویل مدت تک کام جاری رکھنے کے لیے پرعزم ہیں۔”
واضح رہے کہ فورٹینیٹ دنیا کی بڑی سائبر سیکیورٹی کمپنیوں میں شامل ہے جو 50 سے زائد انٹرپرائز-گریڈ پروڈکٹس فراہم کرتی ہے اور دنیا بھر میں اس کے پانچ لاکھ سے زائد صارفین ہیں۔