مس کال

احمد دانش
مس کال اصل میں یہ ہوتی ہے کہ جب کوئی آپ کو کال کرتا ہے اور آپ کسی وجہ سے وصول نہیں کرپاتے یا فون سے دور ہوتے ہیں تو اس کو مس کال کہتے ہیں، مس کال کی اصطلاح ہمارے معاشرے میں موبائل فون کے عام ہونے سے ہی شروع ہوئی جبکہ روایتی فون کے دور میں اس کا تصور نہیں تھا مگر موجودہ دور میں مس کال کی معنی ہے کسی کو ایک بیل دینا جس کا مطلب یادہانی یا کال کرنے کے لئے کہنا ہے ، چلو ایک بار بیل دینا پھر بھی صحیح ہے مگر بار بار کال کرنا انسان کا جینا حرام کردیتا ہے، یہ کام خاص طور پر وہ لوگ کرتے ہیں جن کی تعلیم کم ہوتی ہے یا ناخواندہ ہوتے ہیں مگر اس کا برا اثر ہوتا ہے۔
اسی حوالے سے ایک لطیفہ حاضر خدمت ہے
"ایک بندے نے نیا فون لیا اور ہر ایک کو نمبر دیتا پھرتا کہ میرا یہ نمبر ہے مگر ایک بندے اس کو مس کال دینا شروع کردیا نہ دیکھتا وقت نہ موقع محل بس ہر وقت بیل پر بیل، آخر کار یہ بندہ تنگ ہوگیا ایک دوست سے مشورہ کیا کہ کیا کروں کیسے جان چھڑاؤں میری زندگی تو اجیرن ہوگئی ہے کمبخت سونے بھی نہیں دیتا تو دوست نے مشورہ دیا کہ نمبر تبدیل کرلو تواس نے سم تبدیل کرلی اور تبدیلی کرنے کے بعد مذکورہ بندے کو جو اس کو کال کرتا تھا کو کال کرکہ کہا کہ یار تو نے حد کردی تھی مجبورا میں نے نمبر تبدیل کردیا ہے آئندہ مس کال نہ دینا”
اب پی ٹی اے نے ایک قانون پاس کیا ہے اور آپ اس طرح کے نمبر کو رپورٹ کرسکتے ہیں