موٹروے ایم فائیو گڈو انٹرچینج پر گاڑی اور ٹریلر میں تصادم، 8 افراد جاں بحق

ڈاکٹر عبدالوحید مستوئی

سکھر

موٹروے ایم فائیو کے گڈو انٹرچینج پر گاڑی اور ٹریلر میں تصادم سے سینئر صحافی حیدر سندھی کے خاندان کے 8 افراد جاں بحق اور 2 زخمی ہوگئے۔

موٹروے پولیس کے مطابق جاں بحق ہونے والوں میں 3 خواتین اور 2 بچے بھی شامل ہیں۔

موٹروے پولیس کا کہنا ہے کہ جاں بحق افراد میں دلہن بھی شامل ہے، جس کی 2 روز قبل شادی ہوئی تھی۔ حادثے کا شکار افراد سکھر سے مرید شاخ جا رہے تھے۔ حیدر سندھی کو رحیمیار خان اسپتال منتقل کیا گیا ھے۔