زرعی کھاد کی قلت اور بلیک مارکیٹنگ کے خلاف رانی پور میں احتجاجی دھرنا

اردو ٹوڈے، ہنگورجہ

سندہ آبادگار اتحاد کی جانب سے خیرپور ضلع میں زرعی کھاد کی قلت اور بلیک مارکیٹنگ کے خلاف رانی پور میں احتجاجی مارچ کرنے کے بعد دھرنا دیا گیا قلت ختم نہ ہونے کی صورت میں ڈپٹی کمشنر آفیس کے سامنے دھرنا دینے کا اعلان
تفصیلات کے مطابق سندہ آبادگار اتحاد کی جانب سے خیر پور ضلعے میں زرعی کھاد کی قلت اور بلیک مارکیٹنگ کے خلاف سندہ آبادگار اتحاد ضلع خیرپور کے صدر جمال محمود کھڑو،غلام حسین ،کرم علی سامٹیو ،دین محمد ،عزیز میمن، ذوالفقار علی سھتو،مجیب علی اور دیگران کی قیادت میں رانی پور پرانا اسٹینڈ سے دستگیر گیٹ تک پیدل احتجاجی مارچ کرنے کے بعد دھرنا دیا گیا۔
مظاھرین نے کھاد کی قلت ختم کرو،کھاد کی بلیک مارکیٹنگ کو ختم کرو کے نعرے لگا رھے تھے ۔اس موقعے پر کاشتکار رہنماؤں نے میڈیا سے گفتگو کرتے ہوئے کہا کہ خیرپور ضلع میں زرعی کھاد کی قلت پیدا کرکے زرعی کھاد بلیک پر کاشتکاروں کو بیچا جا رھا ہے ۔انھوں نے کہا کہ زرعی کھاد نہ ملنے سے گندم کی فصل کو بڑا نقصان ہونے کا خطرہ ہے ۔انھوں نے مزید کہا کہ زرعی کھاد کی مقرر قیمت پر ضلعی انتظامیہ کاشتکاروں کو دلوانے میں ناکام ہوگئی ہے ۔انھوں اعلان کیا کہ زرعی کھاد کاشتکاروں کو مقرر سرکاری ریٹ پر نہیں گیا تو ڈپٹی کمشنر خیرپور کی آفس کے سامنے دھرنا دیا جائے گا ۔انھوں نے وزیر اعلی سندہ سے مطالبہ کیا ہے کہ زرعی کھاد کاشتکاروں کو فراہم کیا جائے اور بلیک مارکیٹنگ کرنے والی مافیا کے خلاف کاروائی جائے ۔