معیشت و زراعت

ماہ دسمبر کے دوران سندھ اور پنجاپ میں چینی کی ہول سیل قیمتوںمیں 8روپے فی کلو گرام تک کم ہو سکتی ہیں جبکہ ریٹیل سطح پر بھی چینی کی فی کلو قیمت میں کمی ہوگئی ہے ۔سند ھ اور پنجاپ میں کرشنگ کے آغارز کے بعد سے چینی کی قیمت میں کمی دیکھی جارہی ہے

آئندہ سال کیلئے گندم کی امدادی قیمت 1050 روپے فی من کو تجزیہ کاروں نے اچھا قدم قرار دیا ہے، اس قیمت سے ملک میں آٹے کی قیمت بھی مستحکم رہے گی۔ مختلف زرعی اور ماہرین معاشیات نے حکومت کے اس فیصلے کو ایک اچھا قدم قرار دیا۔ انہوں نے کہا کہ کسانوں کی مشکلات اور آٹے کی قیمت میں ممکنہ اضافے کے خدشات اب خودبخود دور ہو سکتے ہیں۔ ماہرین نے کہا کہ اس فیصلے کے بعد کسانوں کو بروقت کھاد فراہم کی گئی تو نتائج مزید بہتر ہو جائیں گے۔

سندھ آباد گار ایسوسی ایشن کے چیئرمین ذوالفقار یوسفانی نے کہا ہے کہ صوبے میں گنے کی کرشنگ مکمل طور پر شروع نہ ہونے سے گندم کی فصل میں تاخیر ہونے کے امکانات بڑھ رہے ہیں، اب تک سندھ کی 32 میں سے صرف 3 ملوں نے کرشنگ شروع کی ہے۔ ایک نجی ٹیلی ویژن سے بات چیت کرتے ہوئے انہوں نے کہا کہ پاکستان شوگر ملز ایسوسی ایشن نے ملک بھر میں شوگر ملوں کے اندر کرشنگ شروع کرنے سے متعلق جھوٹی خبریں پھیلا رکھی ہیں