آنے والے موسم سرما میں گیس کے صارفین کو لوڈشیڈنگ کی سخت صورتحال کا سامنا کرنا پڑ سکتا ہے ۔ ڈاکٹر عاصم حسین

راولپنڈی میں اٹک ریفائنری میں منعقدہ تقریب میں شرکت کے بعد میڈیا سے گفتگوکرتے ہوئے ڈاکٹرعاصم حسین نے کہاکہ جنوری میں گیس کی کافی قلت ہوگی، اس ممکنہ صورتحال پر قابو پانے کیلئے ابھی سے اقدامات کئے جارہے ہیں ، انہوں نے کہاکہ سی این جی شعبہ کی لوڈ شیڈنگ کم کرکے دو دن کرنے کی کوشش کی جارہی ہے اور ایران سے گیس پائپ لائن لانے کا منصوبہ بھی بروقت مکمل کیا جائے گا، اس سے پہلے وفاقی وزیر نے تقریب سے خطاب کرتے ہوئے ریفائنری اور اس کے ملازمین کی کارکردگی کو سراہا۔